Министерството за надворешни работи преку Секторот за конзуларни работи, како и преку дипломатско-конзуларните претставништва во странство се залага за обезбедување на стручна, квалитетна, навремена помош  и услуга на сите државјаните на Република Македонија кои по разни основи патуваат и престојуваат во странство, како и за нивните потреби од помош и услуга во странство а иако имаат  живеалиште во РМ.
Кога државјаните на Република Македонија патуваат и престојуваат во странство треба да имаат сознанија за земјата на престојот, да внимаваат на спецификите на нејзините закони и обичаи и да ја сносат одговорноста за своите постапки.
Исто така, треба да имаат разбирање за практичните правни ограничувања за тоа што можат да очекуваат од конзуларните службеници како помош и услуга, особено во случај на постоење на двојно државјанство. При патување или престој во странство, државјаните на РМ подлежат на законите и прописите на земјата во која престојуваат. Конзуларните службеници не можат да ги заобиколат ниту локалните прописи, кои во одредени земји можат да бидат многу разли£ни од вообичаените стандарди.
Во случај на потреба за било каква помош и услуга држвјаните на РМ во странство треба да се обратат до најблиското дипломатско-конзуларно претставништво на РМ. За подобро, поквалитетно и навремено добивање на соодветна конзуларна помош треба да се презентираат што повеќе информации, податоци, документи и сл. 
Одредени прашања можат да се решат веднаш, додека за други понекогаш е потребно да се завршат во определено или подолго време.

МНР/Секторот за конзуларни работи ќе ги цени вашите коментари и забелешки за конзуларната помош која ви се обезбедува. Со тоа се добиваат сознанија за она што добро или лошо се работи за да се  унапреди и  обезеди повисок квалитет на услугите.
Се молат корисниците на услуги да инфромираат за нивните ставови и мислења доколку сметаат дека  дадената услуга не ги задоволува стандардите и вообичаената практика.
Сите поплаки и забелешки ќе бидат третирани со сериозност и со должно внимание.