Министерството за внатрешни работи во извршувањето на работите од својот законски делокруг на работа настојува да ги обезбеди следните стандарди:

• Заштита и почитување на основните човекови слободи и права на граѓаните без разлика на нивната расна, национална, верска, партиска или полова припадност и независно од нивниот социлален статус;
• Борба против организираниот криминал;
• Професионална хоризонтална и вертикална одговорност и отчетност кон заедницата;
• Јавност и транспарентност во работата, пристап до информациите кои се однесуваат на безбедност на граѓаните, нивната лична сигурност и имот, но не на штета на интересите на водењето на истрагата и не на штета на други лица;
• Меѓуинституционална соработка во борба против криминалот
  

Главните надлежности на Министерството за внатрешни работи, согласно Законот за внатрешни работи се:

• Заштита на животот, личната сигурност и имотот на граѓаните;
• Спречување на вршење казниви дела, откривање и фаќање на сторителите на казниви дела и нивно предавање на надлежните органи;
• Заштита на слободите и правата на човекот и граѓанинот загарантирани со Уставот на Република Македонија;
• Одржување на јавниот ред и мир;
• Спречување на разгорување на национална, расна или верска омраза или нетрпеливост;
• Обезбедување на определени личности и објекти;
• Регулирање и контрола на сообраќајот на патиштата и други работи сврзани со безбедноста на сообраќајот на патиштата;
• Контрола на државната граница и гранично обезбедување;
• Престој и движење на странци;
• Контрола на условите во врска со производство, промет, набавување, поседување и носење на оружје, делови за оружје и муниција;
• Контрола на пријавување и одјавување на живеалиштето и престојувалиштето на граѓаните;
• Укажување помош при отстранување на последици предизвикани од природни непогоди и епидемии кои можат да го загрозат животот и зравјето на граѓаните и имотот;
• Истражување и развој во областите од негова надлежност.
  

Покрај тоа што Министерството за внатрешни работи е одговорно за системот на внатрешна безбедност на државата, Министерството е надлежно и за областите од граѓанската и статусната сфера како што се матичните книги, личните карти, патните исправи, возачки дозволи, регистрација на моторни возила, како и за издавањето на одобрение за набавување оружје, главни делови на оружје и муниција, дозвола за поседување на оружје и дозвола за носење на оружје.Овој сегмент, лоциран во Министерството се третира како неполициски.

• Преставување на јасни, лесно разбирливи, потполни и точни информации и консултации уште во првиот контакт со администрацијата, независно од формата за пристап до информацијата;
• Информирање на корисникот со причините и крајниот рок за кој ќе добие одговор на своето барање;
• Креирање на едноставни, јасни и разбирливи формулари;
• Еднаков пристап до услугите и рамноправен однос кон сите корисници, независно од нивните потреби, социјален статус, образование, возраст, пол, етичка припадност или религиозни убедувања;
• Преставување на јасни, лесно разбирливи, потполни и точни усни и писмени одговори на барањата на корисниците;
• Запазување на роковите во кои ќе се одлучи за барањето на корисникот на услугите;
• Запазување на принципот на доверливост по однос на жалбите и поплаките на секој корисник независно од нивните потреби, социјален статус, образование, возраст, пол, етичка припадност или религиозни убедувања;
• Превземање на одговорност за работата на администрацијата според воспоставените стандарди за работење;
• Разработување на систем на показатели за мерливост на резултатите на административните услуги, коишто вклучуваат показатели за ефикасност, ефективност и квалитетот на услугите